Diamars mainta a drenta informe di un accidente hit & run na e crusada Emmastraat cu Professor Lorentzstraat, mesora a dirigi patruya na e sitio. Na yegada di patruya na e sitio a bin compronde cu aki den Prof. Lorentzstraat un Nissan Tiida bayendo pabao a core bira drenta bay zuid den Emmastraat sin a duna preferencia na e Toyota Passo biniendo di direccion contrario bayendo pariba den Prof. Lorentzstraat y nan a dal den otro e impacto tabata asina fuerte cu a manda e Toyota Passo bay dal riba borchi trafico y palo di lus. Despues di e impacto e Nissan Tiida a reverse y a sigui core bay zuid den Emmastraat. Den e Toyota Passo tabata tin un baby den su “childseat” y tabata tembla, e tata a pidi pa ambulans bini pa controla e baby. Na yegada di e ambulans nan a atende e baby na e sitio mes. Mas informacion ta sigui den un otro informe.