Diasabra madruga un homber a yega cerca e securitynan di Seaport Market Place bisando cu tin 3 auto ta siguie y nan ta cu arma di candela, mesora a dirigi patruyanan na e sitio. Na yegada di e patruya a bin constata cu aki ta trata di un conocido di polis cual atrobe tabata burachi y a kere cu 3 auto tabata siguie y cu nan tin arma di candela. Ta un auto berdad tabata siguie y esey tabata di un di e securitynan di e  marketplace. Polis a escolta e homber pa su cas.