Diahuebs merdia a drenta varios informe di cu tin un pelea formal andando na un cas conosi na Shiribana, mesora a dirigi varios patruya na e sitio. Na yegada di e patruyanan a bin descubri cu aki ta trata di e cas Shiribana 9 B, un cas conoci pa Polis cu ta wordo frecuenta pa adictonan y ta den bista di autoridadnan pa venta di droga, na e sitio polis ta topa cu e supuesto doño di cas, kende tabata zwaai cu palo y tur cos den su man pa agredi esnan rond di dje. Parce cu e tin problema tambe cu un muhe bibando eynan, kende tambe ta un conoci di Polis. Segun e homber, nan kier saca e for di e cas y apodera di esaki. Segun de Mey (e doño di e cas) , e adictonan kier invadi su cas pero el a bisa nan cu esey nunca lo pasa. Mirando su agresividad, Polisnan a dicidi di detene y transporte pa warda den dogcatcher. E cas aki ta uno di hopi problema, unda cu constantemente asistencia ta wordo pidi y cu habitantenan rond tin problema pasobra tin hopi movecion eynan pa benta di droga. Por spera mas problema.
