• 

• 

• 

Diadomingo madruga a drenta informe di un accidente na e rotonde riba Sasakiweg net na e birada pa bay Hospital, mesora a dirigi un patruya na e sitio. Na yegada di e patruya a bin compornde cu aki ta trata di un accidente unda cu un auto marca Hyundai modelo Getz, color blauw, a subi e rotonde. E chauffeur tabata mustra cansa, no por a para riba su pianan y tabata papia bruha. No por a demostra un rijbewijs valido na e sitio. Polis a detene y a transport’e pa Warda di Polis pa atende cune. E auto a sufri bastante daño material na e wiel dilanti banda drechi. E homber a conta cu el a caba di haci aña ayera. Probablemente e lo tabata den pleno celebracion ainda.