Diasabra mainta a drenta informe di un accidente cu hende herida na e Paperclip Rotonde, mesora a dirigi tamto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di e Toyota Corolla biniendo fpr di e rotonde Cumana a yega subi e Paperclip rotonde sin a duna preferencia na e Hyundai Tucson cu tabata riba e rotonde y a dal esaki pushe casi ful riba e rand di e rotonde. Debi na e fuerte impacto e chauffeur di e Tucson a resulta herida. Na yegada di e ambulans nan a atende e victima na e sitio mes.