Diasabra mainta a drenta informe pa polis bay cu urgencia na un cas na Caya Frere Johannes unda cu un hende lo a kap un otro cu machete, mesora a dirigi tanto polis como ambulans na e sitio. Na yegada di e patruya mesora a detene e agresor kende tabata full na preto bisti (estilo di Ninja) y a ataka su mesun omo cu un machete. Usando e machete ela corta su omo den pecho y na su brasa. Na yegada di e ambulans nan a atende e victima y a transporte pa hospital.