Diabierna anochi a drenta informe di un accidente riba Sasakiweg, mesora a dirigi un patruya na e sitio. Na yegada di e patruya a bin compronde cu e chauffeur a baha caminda y a core bira e stuur bek pero ora e taira a subi e stupi di caminda e auto a perde control y a bay para te den e greppel. Polis a nota cu e chauffeur mustra burachi y a bay test e chauffeur. E chauffeur a supla mas halto cu e limite permiti. No a keda nada otro cu detene pa a core auto bao influencia y accidenta. Hunto cu e chauffeur tabata tin un dama pasahero pero afortunadamente ningun di 2 a resulta herida