Diaranzon anochi a drenta informe di un accidente unda cu un auto cu hobennan aden a caba di bolter na Hato, mesora a dirigi patruya na e sitio. Na yegada di e patruya a bin compronde cu aki ta trata di un grupo di studiante cu tabata na caminda pa un Christmas Dinner na hotel. Afortunadamente no tabata tin hende herida. E chauffeur hoben a splica cu e tabata core direccion pabou y trafico di direccion contrario a bin riba dje. A purba maniobra pero ela perde control na stuur. Djey a baha caminda na man robes y bolter den e greppel. E auto a keda cabes pariba pero cu cuater wiel pa laira. Despues di analisa e situacion a laga e chauffeur yama seguro pa atende cu nan y busca takelwagen pa saca e auto. Polis despues a bandona e sitio y laga e hobennan pendiente pa yudansa.
