Diahuebs mainta durante patruya polisnan atento a bin topa cu un accidente cu a caba di pasa na Weg Sero Blanco, mesora nan a baha atende e accidente. Ta trata aki di un dama chauffeur coriendo un pick-up Mitsubishi L200 bayendo pabao a baha caminda bay dal riba un palo di sosten y basha un cura di cas abao. E impacto tabata asina fuerte cu e wiel di dilanti banda drechi a kita completamente y e pick-up a sigui varios meter mas pabao ta core riba 3 wiel. Aunke e daño ta hopi toch afortunadamente ningun hende a resulta herida.