Diamars merdia a drenta informe di cu un auto lo a pega na candela dilanti porta di Colegio Ora Ubao, mesora a dirigi tanto polis como bombero na e sitio. Na yegada di e patruya a bin compronde cu aki ta trata di un Kia Rio cu lo tabata saca huma for di e sistema electrico. Na yegada di bombero a logra kita e waya di e bateria pa asina evita e auto pega ful na candela. Mirando cu e auto tabata para net na e entrada y salida di e school polis a pusha e auto patras pa asina e no forma peliger pa e muchanan na nan salida ya cu esaki a pasa net ora school a caba.