Diadomingo madruga adictonan ambulante a bati alarma pa un persona kende lo a keda maltrata, viola y cu a ser benta for di auto banda di Kinikini Building, mesora a dirigi patruyanan na e sitio. Na yegada di e patruya a bin compronde cu aki ta trata di un hulandes europeo cu ta na Aruba cu boto kende a declara cu ela subi un supuesto taxi pero na caminda nan a dal e y viole sexualmente pa despues bin bente banda di Kinikini Building. Unabes eynan ela purba cana maske cu yen di dolor y cu dificultad e tabata cay abao. Adictonan ambulante a yud’e y a dun’e poco awa pa bebe. Polis a haya e declaracion poco raro y a bay cu e victima pa warda di polis unda eynan a sigui atende mihor. A transporte den e vehiculo di transporte pa warda di polis.