Diarason anochi a drenta informe cu tin un pelea cu arma blanco mei mei di caminda den Olijfistraat, mesora a dirigi patruya na e sitio. Na yegada di e patruya a bin compronde cu tabata tin un problema di hobennan na Dakota y unda su yiunan tabata envolvi. E tata a bay sali na defensa di su yiunan y a keda agredi y corta. Polis a nota e seriedad di e caso aki y a sera tur caminda rond pa asina e team forensico di polis por ehecuta nan investigacion. Polis a conseha e tata victim pa e bay hospital pa atencion medico y despues presenta na Recherche pa entrega keho.