IBiSA ta informa: Dia Mundial di Presion Halto

5 punto pa tene bo presion di sanger bou control!

Number no sa gaña: 3 di cada 5 persona (63%) riba 20 aña cua participa na e investigacion di salud haci na 2016/2017 a midi un presion mucho halto (140/90 of mas). Pa hendehomber e cifra aki ta mas ainda; 3 di cada 4 (71%). E consecuencianan di un presion mucho halto por ta hopidramatico: ataca di curason y/of stroke, mal circulación, complicación na riñon y wowo, problema sexual(impotencia).

E bon noticia ta cu ta posibel pa mehora bo presion di sangerdoor di ahusta bo estilo di bida pa uno mas saludabel. Tumaaccion riba e siguiente 5 puntonan:

1. Scoge pa come mas saludabel. Uza mas berdura y fruta den bo cuminda di tur dia. Nan ta contene poco vet, salo y colesterol y ta rico na potasio cu ta yuda baha presion.Come mas fibra den forma di p.e. pan volkoren, pasta integral, aros bruin, avena/papa(quaker), bonchi fresco of seco.

2. Uza menos salo. Salo ta retene likido den curpa cuconsecuencia cu e presion por subi. Uza menos cumindadi bleki, cuminda cu hopi salo y condimento (e.o. Adobo, Maggy, Ketjap) y evita di come cuminda di restaurant/snack/truck.

3. Sinta menos, move mas! Actividad fisico ta yuda bogasta caloria y tene curason y adernan saludabel. Purbayega na 150 minuut of 30 minuut 5 biaha pa siman.

4. Limita alcohol, humamento y stress. Uzo di alcohol por hisa presion paso e ta pone bo curason bati mas lihe. Humamento y stress ta afecta bo presion. Haci actividad positivo pa baha stress manera cana (den naturalesa), landa, baila, traha cu mata, medita, haci obra di man of un deporte cu bo gusta.

5. Baha peso. Menos peso ta nifica menos chens pa haya presion halto. Adapta bo sistema di come, bebe y movena uno mas saludabel!

Bo kier sa bo number di presion? Pasa check bo presiondiasabra dia 21 di mei for di 8’or di mainta pa 12’or naClub Kibrahacha y diasabra dia 4 di juni for di 8’or di mainta pa 12’or na IBiSA San Nicolas (Sportcentrum). Praktijkondersteuners conhuntamente cu DVG y IBiSA ta clapa haci chekeo di presion, sucu, peso y cintura. Tur ta gratis y no mester ta na yuna pa participa. Haya sa‘#bonumberdipresion’.