Diadomingo madruga a drenta informe di un accidente na e rotonde Tarabana, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu e chauffeur di un Toyota Prius biniendo for di pabao cu velocidad halto no a logra para na tempo y a bay dal riba e acera di e rotonde di Tarabana kap e taira di e auto baha caminda bek y bay dal riba e acera otro banda di caminda riba Dadelstraat. Afortunadamente ningun hende a resulta herida. Ora polis a laga e chauffeur supla a constata cu e chauffeur ta burachi y a detene. Na yegada di e vehiculo di transporte nan a hiba e chauffeur burachi pa warda di polis.