Diahuebs mainta durante patruya na Savaneta polis a nota un chauffeur cu a actua nervioso ora a mira polis, mesora a bay su tras y a par’e. Durante un control rutinario a bin descubri cu e chauffeur no tin rijbewijs y ademas e documentonan di e auto no ta na ordo, mesora polis a confisca e vehiculo y a laga e chauffeur cu e amigo na pia. Takelwagen a presenta pa asina hiba e auto pa Balashi.
