Diahuebs marduga a drenta informe di un accidente pariba di brug y cu un di e vehiculonan no a para y e otro chauffeur a persigui e, mesora a dirigi patruya na e sitio. Ambos chauffeur a logra para den Savaneta prome cu polis a yega. Na yegada di patruya na e sitio a bin constata enberdad cu tabata tini un accidente entre un bus y un auto. Ambos chauffeur tabata tin declaracion diferente di e susedido. Polis a tuma nota cu e chauffeur di e bus tabata bou influencia y a detene. Vehiculo di transporte a keda pidi na e sitio pa asina por a transporta e detenido pa warda di polis.