Dialuna mainta a drenta informe di un accidente cu hende herida na Rooi Taki, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di e Mitsubishi Colt A77981 biniendo for di Barcadera bayendo zuid a perde control na e birada di Rooi Taki y a baha caminda bay dal riba un palo di lus cu alto voltahe y kibra esaki lagando e ta colga. Cu e brisa fuerte e palo di lus tabata zoya bay bin creando e impresion di cu un rato pa otro e lo por a cay. Debi na e fuerte impacto e chauffeur a resulta herida. Na yegada di e ambulans nan a core saca e victima y hala for di e palo di lus pa evita esaki cay riba nan. Ambulans a atende e victima y a transporte pa hospital.