Diasabra anochi a drenta informe di un accidente cu hende herida na e cruzada Weststraat/Prof. Lorentzstraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di e Kia Sportage no a duna preferencia y a bay dal un Toyota Vitz maneha pa un dama na estado cual a resulta herida. Inmediatamente despues di e impacto e chauffeur di e Sportage a bandona e sitio lagando e pasahero cu tabata cun’e herida cu dolor na pecho y ribchi. Na yegada di e 2 ambulansnan nan a atende ambos victima y a transporta nan pa hospital.