Diabierna madruga durante patruya e unidad di vigilancia di costa a wak un auto cu a hera dal den nan poniendo nan desvia pa evita un accidente. Tabata trata di un Auto Kia blanco V4838 cu a bay direccion pabao cu velocidad masha halto. Nan a purba siguie pero a perde for di bista. Mesora a avisa tur unidadnan riba caya pa tira bista riba e vehiculo aki. Un patruya di Santa Cruz a spot e auto aki y conhuntamente cu mas patruya a logra para e auto aki poco pariba di ex-Club Caribe. Mesora a detene e chauffeur pa ta bao influencia y core irresponsable y cu velocidad exagera. Nan a hibe warda di polis na Santa Cruz pa asina e no forma peliger pa trafico.