E siman aki ta tumando luga e conferencia anual Seatrade CruiseGlobal, un conferencia enfoca riba ‘B2B’ (Business to Business),unda ta trece cumpradonan y proveedonan di servicio y/of producto di mas cu 140 diferente pais na mundo hunto. Manera ta custumbere.o. Minister di Turismo, Aruba Ports Authority y Oficina di Turismo, A.T.A., ta presente na e conferencia aki pa representa Arubacomo destinacion. Tin varios compania di actividad y shipping naAruba cu tambe ta presente pa asina reuni cu nan socionan.

 

Mirando cu Aruba, Boneiro y Curacao ta den e parti sur di Caribe unda no tin e mesun cantidad di itinerario crucero ta yega, compara cu e islanan parti Norte di Caribe, e 3 islanan ta uni forsa durante di e conferencia aki y tin un ‘booth’ hunto y asina ta traha conhuntamentepa crea oportunidadnan cu por beneficia tur 3 isla! Pues ta presente como e islanan ABC.

 

E conferencia ta consisti di diferente charla, recepcion, sesion di informacion, como tambe oportunidad pa reuni cu socionan existente y socionan nobo.  Despues di 2 aña di pandemia e oportunidad aki taaun mas importante.

 

Den e prome kwartaal di 2022, Aruba a ricibi 155,153 pasaherocrucero, cu ta 47.03% menos cu den e prome kwartaal di 2019. Mester bisa si, cu Aruba a ricibi 121 crucero den e periodo aki, 2.5% mas cu den e mesun periodo di 2019. Pa 2022 ta projecta un recuperacion di entre 49% y 79% compara cu 2019. Na e momento aki basa riba ‘berth reservations’ ta mustra cu e cantidad di crucero plania pa bin Aruba lo hiba na un recuperacion di 99.4% compara cu2019.

 

E delegacion di Aruba cu a atende e reunionnan ta consisti entre otro di Minister di Turismo Dangui Oduber, CEO di APA Marc Figaroa, CEO di A.T.A. Ronella Croes y Cruise Manager di A.T.A. Mario Arends. Nan a reuni cu diferente socio incluyendo diferente liñacrucero manera MSC, Carnival Cruise Lines, RCCL, Azamara, AIDA y Costa como tambe Florida Caribbean Cruise Association (FCCA),y Port Colon 2000 Panama. Tambe tabata tin encuentronan cudelegacionnan di Curacao, Boneiro y tambe Sint Maarten.

 

Oficina di Turismo, A.T.A., ta mira e oportunidad di ta presente naSeatrade Cruise Global, como uno hopi beneficioso y fructifero paAruba como destino crucero. Lo sigui haci esfuerzo, conhuntamentecu APA y Ministerio di Turismo y socionan pa e.o. stimula duracionmas largo di bishitanan den puerto, unda por logra cu e barco ta kedaAruba pa “overnight”, stimula introduccion di mas bishita durante lunanan di verano y introduccion di mas barco boutique/ di luho / upscale. Esaki lo –mester sigui– bay man den man cu continuacion di upgrade di e producto y oferta di parti di Aruba. Atencion ta hopi dirigi tambe riba kico Aruba por carga como destino, teniendo na cuenta bienestar di nos comunidad y un experiencia optimal pa nos bishitantenan crucero y di estadia mas largo (“stay-over”).