Diahuebs mainta a drenta informe di un accidente cu hende herida na Sero Blanco, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente ocasiona pa un damita sin rijbewijs coriendo un Toyota Corolla cual a yega bira dilanti un Toyota Rush di direccion contrario. E impacto tabata asina fuerte te cu e Toyota Rush su front a keda bastante kibra y e dama chauffeur den e Toyota Rush a resulta herida. Na yegada di e ambulans nan a atende e victima.