Diabierna mainta a drenta informe di cu desconocidonan a tira un cacho mata na Bubali, mesora a dirigi un patruya na e sitio. Na yegada di e patruya a bin compronde cu diahuebs e habitantenan a nota cu nan cacho ta manera malo y a hib’e na e veterinario. Den oranan di atardi e veterinario a atende e animal y despues di un revision extenso a bin descubri cu e animal ta sufriendo di un chumbo den su curpa y ta delirando. Den oranan laat a descubri un bala den su curpa na un di su patanan patras. Den oranan di madruga e animal kende tambe tabata forma parti di e famia a mira cu nan mascota a fayece. Den oranan di mainta nan a haya importante pa avisa polis cu tin hende cu arma criminal den e bario cu a mata nan mascota. Un cacho obediente bon cuida y mantene como tambe stima pa e miembronan di famia como un parti di nan. Tristo e forma con cruelmente a tira e animal aki. Ta ser spera cu esun cu a tir’e bini dilanti y aclarea e motibo pa cu ela asesina e pober animal cu ta un miembro di famia. E cacho aki a viaha cu e famia varios parti mundo hunto cu nan pero awo a bay den un viahe sin regreso y sin un motibo hustifica.