Diaranson anochi a drenta informe di cu tin un auto mal staciona pabao di Kini Kini Building, mesora a dirigi un patruya na e sitio. Na yegada di e patruya a bin topa cu un Toyota Tercel mal staciona sin chauffeur aden, net ora ta bay pidi pa takelwagen e doño a presenta y a bay hala e auto. Moviendo e auto ela bira e birada mucho grandi y a bay dal un vehiculo s.u.v. y a pusha esaki bay dal un otro s.u.v. Ora polis a bay atende cu e chauffeur a nota cu e ta bao influencia y a detene pa core auto bao influencia causa un accidente. Afortunadamente ningun hende a resulta herida.