Diasabra merdia a drenta informe di un accidente cu hende herida na Koyari, mesora a dirigi tanto polis como ambulans na e sitio. Na yegada di e patruya a bin encontra cu ambulans caba ta na e sitio. Aki ta trata di un accidente unda cu Un Hyundai Accent a bay subi e cruzada sin a duna preferencia na e Kia Sorento cu tabata bayendo nort riba e caminda di preferencia. E impacto tabata fuerte unda e Kia Sorento a dal e Hyundai Accent mande otro banda di caminda. Debi na e impacto e chauffeur di e Kia Sorento a resulta herida kehando di dolor den pecho. Na e momentonan ey ambulans a atende y revis’e na e sitio mes.