Diahuebs atardi a drenta informe di cu un auto a dal un palo di lus kibra na Paradera y e chauffeur kier bandona e sitio, mesora a mobilisa patruyanan pa bay na e area menciona. Un polis na civil den su auto personal a wak e chauffeur y a sigui su tras bayendo direccion di Jaburibari pero e chauffeur tabata huy cu velocidad halto y net por a mira cu tabata trata aki di un s.u.v. berde scur cu plachi number A51076 . E vehiculo aki a bira bay direccion di Moko, net pabao di Moko 30 e vehiculo a dal un auto di direccion contrario. Na e cruzada di Moko polis a logra para e chauffeur y a detene. Elmar a ser avisa y a bay drecha e sitiacion net panort di e rotonde pa bay Jaburibari.