Diasabra anochi a drenta informe di cu tin un homber maltratando un muher den un auto Toyota Tercel berde dilanti Caribbean Fasteners na Sabana Blanco, mesora a dirigi un patruya na e sitio. Na yegada di e patruya a bin topa cu e auto cu e chauffeur y tambe un mucha chikito cu e baby-sitter, polis a nota cu e chauffeur ta mustra hopi burachi y a pidi pa un otro patruya trese e alco-sensor pa pone supla. Locual a sosode ta cu e chauffeur a bay dal un U-turn y a bay dal riba e baki mata di Caribbean Fasteners y e oil pan di e auto a kibra te cu tur e azeta a basha afo. Esey a pone cu e auto no por a sigui core y a start un discucion te ora polis a yega. Ora a bay test e chauffeur e sensor a indica cu e ta un nivel mas halto cu e nivel permiti y a detene e chauffeur pa core auto bao influencia y ocasiona un accidente.