Diasabra atardi a drenta informe di un accidente na e cruzada pabao di warda di polis na Santa Cruz, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu e dama chauffeur di e Hyundai Accent no a regula su velocidad ni a mantene distancia a bay dal tras di e pick-up di e Cuerpo Especial Arubano. Afortunadamente ningun hende a resulta herida.
