Chauffeur di pick-up a desvia pa auto cu a sali su dilanti y a bay dal riba mata di kwihi na Catiri pic.twitter.com/zVfdT0fD8f

— Reportero24 (@AWE24) April 6, 2022

Diaranzon atardi a drenta informe di un accidente cu hende herida na Catiri, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di un pick-up a desvia pa un auto cu a sali su dilanti for di Reality Supermarket y e pick-up a bay dal riba un mata di kwihi. E impacto tabata fuerte y e chauffeur a resulta levemente herida. Na yegada di e ambulans nan a atende e victima na e sitio mes. Por mira con e accidente a sosode via e camara di seguridad di e supermercado.