Diabierna mainta a drenta informe di cu tin manchanan di sanger y tambe un machete banda di un lugar di number pega cu un club nocturno na Noord, mesora a dirigi un patruya na e sitio. Na yegada di e patruya a bin topa cu esakinan y a solicita presencia di e investigadornan technico y forensyco na e sitio. Na yegada di e investigadornan nan a tuma muestra di e ADN di e sanger y a confisca e machete tambe oa investigacion. Mientras a averigua cu warda di Shaba si den oranan di madruga tabata tin un situacion y esaki a cuadra. Tur e detayenan di e investigacion aki a ser acopla na investigacion global.