Diadomingo madruga a drenta informe di un accidente cu hende herida dilanti di Tri-Bike na Santa Cruz, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente hit & run unda e Toyota Yaris blanco A26163 a bay dal semi frontal riba e Mitsubishi geel y a bira bay bandona e sitio. Debi na e impacto e dama chauffeur a resulta herida na yegada di e ambulans nan a atende e dama y a transporte pa hospital. For di e sitio di accidente por a mira claramente e marca di rasca cu e Yaris kibra a laga for di e sitio di accidente te na unda e chauffeur a bay par’e na su apartamento na Siribana. Polis facilmente a yega na cas di e chauffeur y a detene pa core auto bao influencia, causa un accidente bao influencia y bandona e sitio. Ademas a confisca e vehiculo tambe.