Polis mes a mira cu e cachonan ta desnutri y ta bira agresivo

Diasabra anochi a drenta informe pa e di tantisimo vez cu habitantenan di Jucuri ta haya nan mes den un situacion unda cachonan di un bisiña ta destrui propiedad ataca animalnan domestico y causa destruccion na otro casnan. Na un ocasion e cachonan a hera mata un pushi di cas di e bisiñanan. E doño irresponsabel no ta alimenta su cachonan debidamente y polis mes a constata esey ora nan a mira e cachonan desnutri. Esaki no ta prome biaha y e ley di cacho a pasa pero parse cu no tin sancion pasobra e cada biaha ta manera cu nada a pasa. Te hasta e doño di e cachonan a subi propiedad di e bisiña sin permiso. Cachonan riba caya ta ataca animalnan domestico inofensivo, cachonan riba caya ta ataca animalnan di cria, cachonan riba caya ta ataca peatonnan ciclistanan y ta destrui propiedad. Mester inforsa e ley di cacho AWOR! Cachonan por ta e mihor amigo di e doño pero e por ta tambe e peor enemigo di otronan, pesey tene den bo cas y cura.