Diasabra atardi a drenta informe di un caso di destruccion na Tat Fat Bar & Restaurant, mesora a dirigi un patruya na e sitio. Na yegada di e patruya a bin compronde cu aki ta trata di un caso di problema di pareha unda e homber desendiente oriental a destrui e glas di dilanti y di patras di e auto Audi cu e muher sa core. E muher tabata kier pa polis sera e homber pero como e muher ta casa cu e homber e auto tambe ta su propiedad tambe y no a detene.

Nota di redaccion: Na prome instante nos a scirbi “chino” pero esaki a cay den mal tera pa varios lector, na ningun momento tabata nos intencion di bully ni discrimina e homber desendiente oriental ni tampoco ningun otro hende di cualkier otro pais. Pero a a referi e persona como un desendiente chines, mescos cu nos ta referi e hendenan como hulandes europeo, americano, portugues, venezolano y colombiano etc. Pero di tur forma nos ta pidi disculpa pa e eror cometi y dispensa na esnan cu a sinti nan mes ofendi.