![](https://www.awe24.com/wp-content/uploads/2022/03/01505063-EB64-4E0B-B0AF-9169CFC2255F-668x334.jpeg?v=1647817285)
Diasabra atardi a drenta informe di un problema di pareha bayendo for di man y agresion a cuminsa cay na Sero Janchi, mesora a dirigi un patruya na e sitio. Na yegada di e patruya a bin compronde cu aki ta trata di un problema di pareha unda e homber a bay asina leu di agredi e dama severamente, y ela haci esaki dilanti yiu chikito cu a keda tur spanta. Polis a detene e homber y a bay cun’e na warda di polis. Mientras a avisa e dama pa bay hospital pa busca un raport di e maltrato pa recherche. Polis a pidi slachtofferhullp pa bini y consola tanto e yiu como e mama.