Diasabra madruga for di 3’or a start un problema cu tiramento di piedra riba un cas na Tanki Leendert, e situacion a sigui te banda di casi 6’or di mainta ora cu polis a presenta na e sitio. Polis a bin compronde cu aki ta un problema andando caba unda un a presenta na e cas di e otro tira piedra y kibra e wiper di un auto den e cura y ademas pasobra un ta bisa cu e cacho ta di dje mientras esun cu tin’e ta bisa cu ta un persona a regal’e. Mucho detaye no por a haya di e caso aki pero hecho ta cu polis a mustra ambos partido e camindanan pa cana y bay recherche.