Diahuebs atardi a drenta informe di cu e doño di un auto ta hopi rabia pasobra nan a mishi cu su auto sin su permiso na Elleboogstraat, mesora a dirigi un patruya na e sitio. Na yegada di e patruya a bin compronde cu aki ta trata di un caso unda cu un doño di auto Toyota Marx Z10 preto a rabia pasobra sin su permiso un adicto ambulante a laba su auto y a laga e wipernan hisa y es mas e adicto aki a laga su bicicleta tras di e auto y e doño kier entrega un keho. Hecho ta si cu na varios ocasion e mesun doño aki sa pidi e adicto ambulante aki pa laba su auto pero e biaha aki si e no a pidie y a laba esaki sin su permiso. Pero polis no por tuma e keho ey pasobra nada a ser destrui. Polis a bis’e cu unicamente por busca e adicto y hala su atencion.