Diaranzon merdia a drenta informe di un accidente cu hende herida na e cruzada Caya Mario Harms y Zoutmanstraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente pa falta di preferencia entre un Toyota Vitz y un pick-up Chevrolet Colorado unda despues di e impacto e pick-up a dal un palo di lus y a hera bay cay den e lagoen. Na yegada di e ambulans nan a atende ambos chauffeur y un di nan so a ser transporta pa hospital.