Dialuna mainta a drenta informe di un accidente cu un vehiculo policial envolvi na Caya Frere Bernardinus, mesora a dirigi e departamento di trafico na e sitio. Na yegada di trafico a bin compronde cu un colega femenino di Bedrijfsvoering  biniendo for di caya Frere Vicentius no a duna preferencia na un vehiculo biniendo pariba den Caya Frere Bernardinus y nan a dal den otro. Debi na e fuerte impacto e wiel di dilanti di e vehiculo di Cuerpo Policial a sufri daño y no por a move. Afortunadamente ningun hende a resulta herida.