Diadomingo atardi a drenta informe di un accidente cu hende herida na e rotonde banda di Acero na Tanki Leendert, mesora a dirigi tanto polis como ambulans na e sitio. Na yegada di e patruya a bin compronde cu un chauffeur biniendo pariba riba E.J. “Watty” Vos blvd. a yega subi e rotonde sin a duna preferencia na e otro auto cu tabata riba e rotonde. Debi na e impacto un persona a resulta levemente herida. Na yegada di e ambulans nan a atende e victima na e sitio mes.