Diadomingo madruga a drenta informe di un accidente pariba di e rotonde Pos Chikito, mesora a dirigi patruya na e sitio. Na yegada di e patruya a bin haya e palo di lus kibra y waya di coriente colgando riba caminda pero e truck mes a somenta. Net na e momentonan ey 5 otro auto a haya daño door di e waya cu tabata colga. Tanto Elmar como Setar mester a presenta pa drecha e problema mientras polis a desvia e trafico.
