Diaranzon madruga a drenta informe di un accidente cu hende herida na Westpunt, mesora a dirigi tanto polis como ambulans na e sitio. Na yegada di e patruya a bin compronde cu e chauffeur di e Hyundai i10 numera V 4239 a baha caminda y a bay dal un palo di lus kibre den 3 pida. E impacto tabata fuerte y tanto e chauffeur como e pasahero a resulta herida. Na yegada di e ambulans nan a atende ambos victima y a transporta nan pa hospital.
