Diahuebs atardi a drenta informe di un accidente cu hende herida na e cruzada di Sero Pita. Mesora a dirigi tanto polis como ambulans na e sitio. Na yegada di e patruya, ya ambulans tabata na e sitio, pero a pidi presencia di e ekipo di rescate di bombero, ya cu tabata tin hendenan pega den auto. Na yegada di e ekipo di bombero a bay over na corta e auto y a saka e victimanan. Tres ambulans a presenta na e sitio y a transporta seis (6) persona herida pa hospital.
