Diaranzon atardi a drenta informe di un silent alarm na Setar Yrausquin Plein, mesora a dirigi patruyanan cu urgencia na e sitio. Mirando cu e security no ta contesta su radio a manda patruyanan cu maximo urgencia ya cu e boton cu a ser primi ta indica cu aki lo por ta trata di un atraco. Na yegada di e patruya a nota tur cos trankil y normal. Ora a bay averigua a bin resulta cu ta un empleada a bay hal su stoel di lessenaar un poco mas cerca e man di e stoel a activa e panic button y como cu e security no tabata contesta su radio a haci e situacion mas alarmante. E panic button aki ta mal ubica ya cu esaki ta e di 3 biaha cu a activa e panic button.
