ORANJESTAD – Departamento di Impuesto ta participa cu ta adapta e servicio na publico den e proximo dianan. Esaki en conexion cu e dianan di fiesta como tambe e trabounan di mantencion necesario. Departamento di Impuesto ta pidi su contribuyentenan pa tuma bon nota di e fechanan y orarionan adapta pa evita cualkier inconveniencia. Aki ta sigui un skema di e orarionan den e siguiente dianan.
Fecha Lugar Orario
29 di december 2021
Oficina anexo na Camacuri Oficina principal na Camacuri MFA y Postkantoor San Nicolas
7:45 am – 11:30 am | 1:15 pm – 3:30 pm Cera
8:00 am – 12:00 pm | 1:00 pm – 3:00 pm
30 di december 2021
Oficina anexo na Camacuri Oficina principal na Camacuri MFA y Postkantoor San Nicolas
7:45 am – 1:00 pm non stop Cera
8:00 am – 1:00 pm non stop
31 di december 2021 Tur oficina Cera
Riba dia 29 y 30 di december 2021, e oficina principal na Camacuri lo ta cera. E contribuyentenan por acudi na un oficina den districto pa haci pago. Ta importante pa tene na cuenta cu por paga unicamente cu debit card na un MFA of Postkantoor San Nicolas. Pa registra of haci otro cambio riba vehiculo di motor por acudi tambe na un oficina den districto.
Riba dia 29 y 30 di december 2021, lo duna e siguiente servicionan na e edificio anexo na Camacuri (edificio otro banda di esun principal): busca of entrega plachi di number, registra of haci cambio riba vehiculo di motor, entrega documento, busca carchi di persoonsnummer of haya informacion tocante areglo di pago.
Entrante dialuna, dia 3 di januari 2022, Departamento di Impuesto lo ta habri bek brindando su servicionan manera custumber.
Departamento di Impuesto ta gradici tur contribuyente cu a cumpli cu nan debernan fiscal durante aña 2021 y ta desea henter pueblo di Aruba un aña 2022 yena cu bendicion y prosperidad.

Gerencia di Departamento di Impuesto
28 di december 2021