Diahuebs mainta den careda di 10:30 tanto polis como ambulance a bay riba NO Boulevard, unda un auto a accidenta y keda pega bou un mata. Na e sitio autoridad ta topa cu un dama na stuur. E no ta un dama desconoci pa nan, debi cu nan lo a yega di atende cu dama aki caba. Ta trata di un dama cu tin problemanan Psychiatrico hopi serio, y por bira sumamente agresivo. Pa e motibo aki tambe personal di Respaldo a presenta na e sitio debi cu eta un pashent/cliente di nan. E dama aki tawata na stuur di e Nissan March, bayendo direccion nort, ora cu pa un of otro motibo a baha caminda na su man robes y bay termina bou un mata di Kwihi. Personal di seguro lo a pasa algun rato fastioso pa atende e dama. Parse cu elo a keda den e Van papiando casi un ora largo. Esaki ta debi cu mester trate trankilo, posiblemente pa evita cualkier problema. Paramediconan tambe tawata na e sitio pa si mester a controle y tambe varios agente policial pa si mester actua. “Nos no sa si ta responsabel pa personanan cu problema Psychiatrico stuur auto”.
