![](https://www.awe24.com/wp-content/uploads/2021/12/19ACABF1-5136-4ACF-9B62-A63D79AE5998-668x334.jpeg?v=1639996378)
Diadomingo atardi a drenta informe di un problema entre un hoben cu su omo na Avenida Milio Croes, mesora a dirigi un patruya na e sitio. Na caminda a drenta otro informe cu cos a bay fey man, a dirigi e patruyanan cu mas urgencia na e sitio. Na yegada di e patruya a bin compronde cu e hoben a agredi su omo na su wowo te cu e no tabata mira bon mas. Polis a detene e hoben mientras a pidi pa ambulans na e sitio. E vehiculo di transporte pa detenidonan a yega y a hiba e hoben pa warda di polis. Como cu e ambulans a tarda masha hopi e victima mes a bay hospital pa atencion medico.