Diahuebs madruga a drenta informe di un accidente cu hende herida na Rooi Master, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di e chauffeur bao influencia manehando un Mitsubishi Lancer a slip riba e bocht muha y a bay dal riba un cura di transhi. Debi na e impacto e chauffeur a resulta herida. Na yegada di e ambulans nan a atende e victima y a haya ta necesario pa hiba e victima na e Centro Medico na Imsan. Naturalmente polis a bay cun’e por si acaso mester trese bek na warda di polis.
