Diaranzon madruga a drenta informe di cu un auto lo a ranca un palo di lus na Angochi, mesora a dirigi un patruya na e sitio. Na yegada di e patruya a bin encontra cu e Hyundai Tucson cu a caba di dal riba e palo di lus. Tanto e chauffeur como e ocupante a resulta herida. Esaki despues di cu e Hyundai Tucson bayendo direccion pariba a baha caminda na man drechi y a dal e palo di lus. E impacto tabata fuerte te cu e Tucson a bira casi 90 grado. Na yegada di e 2 ambulansnan nan a atende e victimanan e pasahero cu a perde djiente y sla na cabez, mientras e chauffeur cu tin historia medico tambe tin sla na cabez. Ambos a ser transporta pa hospital. Elmar tambe a presenta na e sitio pa drecha e daño y re-establece e suministro di coriente.
