Diaranson anochi durante cu agentenan tabata atendiendo cu un accidente na crusada Sero Pita, un Honda Accord a hera dal un agente policial. Polisnan tawata bezig cu nan flashlight y parse cu polis lo a lusa e auto, pero asina mes e cabayero na stuur a sigui bin strit ariba e agente. E ora e agente a dal su man ariba e auto, y un poco mas pazuid e auto a para. Agentenan mesora a cana bay na e auto. Eynan e agente concerni a cuminsa bise si e no mira e flashlight, e chauffeur kiermen e no a mira e flashlight y tampoco e agente. Despues di papia algun rato cune, a mira cu nan a pone den boei. E motibo tabata segun e agente pa intento(poging) di pasa auto ariba polis. Parse cu e no tin of tawata tin su rijbewijs cune tampoco. Un representante di un seguro na e sitio no tabata mucho contento cu polisnan a detene e chauffeur di e Honda.
