Diabierna mainta a drenta informe di cu doño di un tereno den Fahrenheidstraat a yega haya un pick-up hortando su propiedad for di riba su tereno y net e ta yega e pick-up a core bay, mesora a dirigi un patruya na e sitio. Mientras e doño a pasa polis e number di e pick-up un otro patruya a bay na e adres di unda e pick-up ta registra. Na yegada di e patruya a bin compronde cu aki ta trata di varios troncon di kwihi corta cual e doño tin uso p’e y a pone riba su tereno cual tin un borcho poni “Tereno Priva”. E patruya cu a bay na e adres unda e pick-up ta registra a topa cu e pick-up y ya caba nan a baha tur e tronconnan pone nan den su cura. Polis a atende severamente cu nan y a splica nan cu nan no por yega coy cosnan poni riba tereno aheno y bay cu nan. Como cu e doño ta hopi comprensivo y no lo duna keho si nan trese su propiedad bek mesora. E sospechosonan a bay di acuerdo y a coy tur pone den e pick-up y hiba esakinan bek. Polis a splicanan tambe cu nan por a hasta bay sera pa locual nan a haci.
