Diadomingo atardi a drenta informe di un accidente na Boegoeroei unda e chauffeur a bay dal riba acera y a lock e auto cana bay, mesora a dirigi un patruya na e sitio. Na yegada di e patruya a controla e auto pero esaki tabata full na lock. Un rato despues a presenta e chauffeur y polis a atende cun’e. E supuesto chauffeur a bisa cu e stuurwiel tabata bati pero e lastra riba e caminda ta mustra cu ela yega na e cruzada cu velocidad halto y a slip riba e santo y e auto no a logra para pero a bay dal riba e acera halto y a causa hopi daño na e wiel, arm, bumper y wardalodo. Afortunadamente ningun hende a resulta herida.
